أحدث المواضيع :
Home » » الاسماك الميتة لا تستطيع السباحة ضد التيار

الاسماك الميتة لا تستطيع السباحة ضد التيار

Written By sherif nazih on الاثنين، 23 أبريل 2012 | 10:50 م



الاسماك الميتة لا تستطيع السباحة ضد التيار -
بقـلم الكاتب والنـاشط السياسي"حـسام عـامر"
---
نتكلم بالعقل - ماذا حققت اي مظاهرات خلال الست شهور الاخيرة
ماذا حققت مظاهرات الجمعة الماضية 20 ابريل
من سئ لأسوأ ومن نقرة لدحضيرة ومفيش قيادة ثورية موحدة ومفيش حد من المشاهير عنده استعداد لقيادة ثورة حقيقة وكلهم بيبيعونا مقابل مصالحهم - ايوه النخبة كلها ميهمهاش غير مصلحتها الشخصية
بالاضافة لما سبق
هل تتوقع ان تحقق اي نجاح بسلاح فقد قيمته كالمظاهرات والاعتصامات

انا شايف ان المظاهرات اصبحت سلاح في يد العسكر وحلفائهم الاخوان والسلفيين عشان يبرروا سوء احوال البلد وليست سلاح في صالح الثورة والثوار والشعب

طب تعالو نفاجئهم ونجمد اي نشاط ثوري
وفرجونا بقا هتعملوا ايه يا عسكر ويا اخوان ويا سلفيين مع الشعب اللي بقت حياته اسوء من ايام مبارك على ايديكم

تجميد انشطتنا حاليا هي نشاط عقلاني غالبا هيصدمك كثائر بس انا بعمل الصح حتى لو كنت بخالف القطيع وبعوم ضد التيار
والاسماك الميتة لا تستطيع السباحة ضد التيار

ايون خلونا ننام 14 ونشوف ماذا سيحدث بين العسكر واعوانهم
ونشوف ازاي هيسلموا السلطة وهيسلموها لمين من الاراجوزات اللي قبلت تلعب دور الزوج المحلل وبتتنافس للحس بيادة العسكر للفوز بلقب رئيس طرطور

سبب تجميد نشاطنا بمنتهى الوضوح هو عشان لا يتحجج بنا اي فريق كي يبرر الخيبة القوية اللي مصر ماشية في سكتها ويقول لك السبب هو الثورة والثوار والصفحات الثورية اللي بتحرض
طب مش هنحرض لأن التحريض على مظاهرات ده لعب عيال والهتاف مش هيسقط حكم بني صهيون زي البوس ما عمره ما هيجيب عيال

اساسا الثورة لسه لم تبدأ بعد وحين ستبدأ ستكون ثورة شعبية حقيقية ولن يخطفها ويسرقها احد من المتسلقين كما حدث في هوجة 25يناير 2011 التي اسفرت عن تلاعب مبارك بالشعب وتنحيه ظاهريا عن الحكم

عموما انا بعلن اني مؤقتا هشتغل على التوعية السياسية بين الشعب ولن ادعم او انشر عن اي فعاليات تطالب اي قوة او صفحة بالحشد لها
قدامنا كتير على ما الشعب يتنور ويفهم ويرفع الغشاوة عن عينه

ومش منطقي اشتغل وملايين المصريين اتعودوا يزيطوا في الزيطة من غير ما يكون عندهم رؤية او هدف يحققونه
===
ومش منطقي اشتغل وملايين الناس فاكرين ان الثوار اجندة وخونة وهدفهم هدم مصر

طب انا هسكت واسيب الملايين دي ترجع تتكرع الذل والعبودية من تاني عشان يعرفوا ان الله حق وعشان كمان يعرفوا ان الثورة حق وان الحقوق لا تطلب بل تنتزع

ولازم اي ثوري يهدى معانا شوية على ما نوعي الناس كلها او اغلبها على اضعف الايمان
ولازم نخلي الشعب يعرف ان العسكر اللي بيحكموهم والدقون اللي بتتعاون معاهم هما شوية انتهازيين منافقين لا عندهم لا ملة ولا دين والدليل انه مفيش لا اسلام ولا شريعة ولا عدل ولا عدالة حيث سيستمر الظلم والقمع والفقر حتى لو تسلم المتأسلمين السلطة

لازم نجمد نشاطنا لحد ما كل مصري يبطل مشي ورا المشايخ والقساوسة ويبطل مشي ورا المشاهير سواء سياسيين او اعلاميين
ثورتنا هتنجح لما شعب مصر يبطل تفاهة ويبتدي يثق في نفسه ويصنع قياداته من بينه في الشوارع والحواري بناء على وطنيتهم وليس بناء على طول لحيتهم او شهرتهم



Share this article :

0 التعليقات:

Speak up your mind

Tell us what you're thinking... !

صورة اليوم

تابعنا على الفيس بوك

javascript:void(0)

أخترنا لك

فيديو 1 فيديو 2
يتم التشغيل بواسطة Blogger.

الأكثر مشاهدة

 

جميع الحقوق محفوظة ديزاد سيت ©2012-2013 |اعداد وتطوير المهندس وليد فريد المنصورة 01117637337 ، فهـرس الـموقــع | سياسة الخصوصية