حلمت بابن لكن كله نصيب

حلمت بابن لكن كله نصيب
= = = = = = = = = = =

عاشت حلمت ببساطة بزوج وحبيب
لكن قدرها مفيش ليها لطفل منه نصيب

وسألتها ولادك مين جوبتني معنديش ترضي ؟
بنتي تكوني تنوري ايامي وتبقى لعيني الضي؟

بكل بساطة وهدوء وبفرحة غريبة رديت
طبعا ويشرفني واستغربت لية كدة رديت

بس لقيت عنيها ابتسمت وكمان دمعت
ووشها حتى شفايفها اتأثرت ولمعت

مجرد كلمة بسيطة فرحت اوي بيها
نقلتها لدنيا سعيدة ياما حلمت تحويها

ياااه اد ايه في قلوب لسه رغم القسوة بريئة
بتفرح بس بكلمة بسيطة من القلب وجريئة

من قلبي لقتني فجأة بردد من جوايا
والله بيكي فرحانه اكتر من فرحتك بيا

6/12/2012م
اهداء لام معاذ

إنجي مطاوع