يا بهية

يا بهية
= = = =
ويا بهية خبريني عن عشقك وعن اللي قتل ياسين

وقولي كيف حيتي وبقلبك جرح نازف يقطع بالجوف
يا بهية خبريني كيف أعشق وأدوب من غير خوف
قلبي عشق شاب حليوة اسمر وصبح مرجوف
ملك روحي وكياني وعقلي لية بقى مخطوف

حبيته وهويته ودوبت بعنيه وبقى ليا الروح
لكن عزالنا كادوا وفرقوا يا بهيه كيف بوح
كيف وصلة من غيره قلبي بيموت ويروح
قتيلة معشوقة والله بلاه انا مدفون مدبوح

خبريني كيف بعد الحبيب بيهون وكيف أراضية
وفين أرضه وانا والله لية اروح وافوت ولقلبي أداوية
في غيابة ما فارقني قلبة هنا وياي وقلبي هناك بحمية
كيف اهرب من الدنيا وأروح أداوي جرحه وأحييه

يا بهية خبريني كيف قدروا علينا العزال
كيف أعدي بحور الكيد واهد سد العزال
واه من قلبي المجروح حس عمري مال
روحي بتفتت لنثاير وحبيبي عني ما سأل

اه لو يسمع قلبي وشكاويه أو روحي وحكاويها
بعنيا راح أسقي روحة الفرح وبلمسة اشفيها
دي النظرة لعيونه تحينا وتعيد للروح جمالها
واه اه من ظلم وجرح العزال وسواد حقدها

يا بهية تعالى اشكيلك وبوح باللي بقلبي من السنين
ويا بهيه خبريني عن عشقك وعن اللي قتل ياسين


إنجي مطاوع