حبيبتي وشوشتها بخوف (لهجة صعيدي)

حبيبتي وشوشتها بخوف   (لهجة صعيدي)

=   = = = = = = = 

حبيبتي ميلت على ودانها وشوشتها بخوف قتلني

يا يما قولتلها كلمتين غصب وجعولي قلبي

بقيت كيف المدبوح بسكينه تلمه زلزلوا روحي

قولتلها يا يما مالي فيكي أنا نصيب يا ضي عيني

بيني وبينك جسور وبحور ما أقدر اعديها

وربنا المعبود وحياة العهود بدعي ربي يهونها

وقلبك العاشق والله ما ناوي اغدر وألاوع

ولما اشوف دمعك على خديك والله قلبي بينازع

قدر الله وما شاء فعل واللي يبية ربي يكون

يا حبيبة هو في غيره ليه حكم على الكون

قلبي بعيد عنك بيتقطع ويتلوع

وايه اسوى وانتي حبك بيا مزروع

كيف اقطع جذره من جوه روحي علميني

اعيش ايامي الجاية من غيرك كيف خبريني

روحي فداكي وقلبي ليكي مرسى والله وأمان

يا سفينه مشرقة ومغربة بعمري في كل زمان

جوه مني منار يضوي لياليا بنيته بقناديلك  

حفرتك بير غويط يسقي زرع أفراحي بليلك

طب كيف اعيش انا بلاكي يا منيه القلب

والله ما بيدي حيلة ووالله عني غصب

ويا صبر صبر قلبي على ما صابه ما اعترضت

ده حكمك يارب وبحكمك انا رضيت وما أبيت

أحبك أهواكي اعشقك لكنك هتفضلي محرمة

يا قلبي اإإإإثبت ولا تقتل بزيادة من بك مغرمة

يا حته مني غصب بنزعها وعن سنيني بعدتها

الله يسعدك ويرزقك وما تشوفي من الدنيا أوجعها

يا قمر منور الدنيا والكون عشقتك بدر وقمر وهلال

وسامحيني يا ارضي وناسي كنت طالب الوصال

وغصب عني بعدت عن طريقك منا الليلة قتلت احساسي

منا وانتى ما عدلناش نصيب وفرقنا القدر يا قمري ووناسي

وسامحي قلب عشقك لكن فراقة قدر اتكتب على العاشقين

واهو قالوا زمان المكتوب على الجبين لازم تشوفة العين

إنجي مطاوع