أوقات بخاف

أوقات بخاف
= = = = =






 

أوقات بخاف من كل صنوف الكلام
شوية تعب شوية خصام وشوية ملام
ساعات ألقيك حبيب مساند وعليك اهتمام
وساعات غريب مفيش معرفة أو انسجام
وكلامنا مفيش وقت راح دردشة مش غرام
والخيوط بينا تشابيك تعبر عن مجرد احترام

ساعات بحب وأجنن وأغير بين أديك
قلبي يطير ويعلى للسما بنظرة عينيك
طفلة معاك كلي شقاوة أتمنى أرضيك
عايزة سعادة فرح وهني وحب ليا وليك
ساعات فجأة حبيب عاشق مغرم ألقيك
لكن مشاعرك بتسحبك وتخدك ترميك

أوقات تسأل تدور وتشوف كلامي لمين
حبي أشعاري غناوي حكاياتي بتروح لفين
وترد روحي وأحس إني جوه حضنك سنين
وفجأة تقول لي فوقي إحنا معرفة يومين
طب لما أنت ناوي تقرب ليه سبتنا خايفين
قلبي وعقلي حتى أنت ليه تقتلنا بكلمتين

نفسي أسألك هو أنت حبيبي طب ليه بعيد
أدي نفسك فرصة خلاص قرارك أكيد
وهم حبي ونعيش ونحلم سوى ببيت سعيد
آه من وجعي من كلام بوجع كأنه حديد
ينفع أسالك تعال قولي لكن كلامك شديد
أنت متأكد أننا مجرد معرفة وكلام شريد
.
.
.
إنجي مطاوع