متسألش متقلقش

متسألش متقلقش
= = = = = = =

 

متسألش
متقلقش

شوية الم
شوية جراح
شوية أنين

في يوم يمشوا يروحوا بعيد
ما هي الدنيا كده دوالي تعيد

شوية سهر
شوية عذاب
بعدهم شوية
فرح وهنى

متسألش
متقلقش
وقت ويروح
وأداوي نفسي
وأرجع بخير تاني

ما أنا أنا رغم اللي كان
عارف جرحي ودواية
عارف ضعفي وقواي
صحيح مكنتك من حشايا
لكــــــــن

متسألش
متقلقش
من زمان
وانا حاسس الفراق
جرحك سبقك بالحضور
قبل الزمان بزمان
وهيجي وقت
أنساك وأكمل وأعيش حياتي
ها بقى تمام في عمري الاتي

متسألش
متقلقش
مجرد وقت قصير
وأرجع أقوى وبخير

الأحد 8.20 ص
11/11/2012م
.
إنجي مطاوع
.
الرسم : BYLoui Jover